Donkam ka Liverpool ia ki player kiba kynsai : Gerrard

LONDON : U kapten jong ka Liverpool, u Steven Gerrard, u la ong ba ka team jong u ka donkam ban pynrung sa kumba lai ne saw ngut ki player kiba kynsai khnang ban kham kyntiew ia ka rukom ialehkai ha ka aiom kaban sa wan.
U ong ba ki don ki team kiba la kiew bha ha kine ki khyndiat snem, kum ka Chelsea bad ka Manchester United ka dang iai neh ka jingkhlain kumba ka ju long. U sngew ba ka long kaba eh bha ban jop ia kum kine ki team kiba khlain bor lada pynialehkai da kajuh ka kynhun kaba don mynta.
U ong ba kiba pyniaid ia ka team ki dei ban sngew na kaei kaba la jia ha kane ka aiom . U ong ruh ba don napdeng ki player kiba pynpaw ba donkam ia ka team kaba khlain, hynrei kaba kongsan hi ka long ban don ia ki player kiba kynsai bad kiba lah shisha ban kyntiew ia ka team.
U ong ba ha ka jing sngew jong u hi ym iahap ban pynkylla thymmai ia ka team, hynrei ka jingdon kam kaba kongsan hi ka long ia lai ne saw ngut ki player kiba kynsai.
U Gerrard u la ong ruh ba ka Premiere LEague ka long kum ka jingbam kaba ka club jong u ka donkam bad ba ki paid nongkyrshan ruh ki dawa jur ban jop ia ka namar ki la ap la slem bah.
Une u kapten jong ka Liverpool u kyrmen skhem ba ka club kan jop ia ka Premiere League bad Champions League ha ka aiom kaban sa wan, bad pynpaw ruh ia ka jingdon-kam ban jop ia kine ki trophy khnang ban im biang ka nam bad burom jong ka club.