Ba jur u lyoh lum mihding duh leit London ka Katrina

MUMBAI : Ka aktres ba pawnam ka Bollywood ka Katrina Kaif ka la thmu ban leit sha ka nongbah London na ka bynta ban ia kynduh ia la ki jong kiba haiing ha sem, hynrei kane ka jingthmu ka la pulom noh bad ka la hap ban shong sngi ha ka kad liensuin ha Mumbai na ka daw ka jingjur palat u dpei tdem ba la mih na u lum mihding uba la bthei ha ka ri Ireland bad kaba la kah syrngiew ia bun ki bynta jong ki ri ka dewbah Europe bad kaba la khang lad ia ka leit ka wan ki liengsuin.
“Ha ka jingshisha kane ka jingleit ka Katrina sha London ka long kaba donkam eh ban ia kynduh bad kiba haiing hasem. Bad kaba ngam dei ban pep. Ngam poi phohsniew satia ba kam lah long ia nga ban pyndep ia ka jingleit. Ynda nga la poi ha ka kad liengsuin ha Mumbai nga la ioh jingtip ia kaei kaba la jia. La katta ruh nga khlem duh mynsiem namar nga ngeit ba kan nym lah long, ia ka jingslem ngam da pyrkhat eh... namar nga la mad ia kum kita. Haba la dei ka por ban leit, uwei u la iathuh ba la don kawei ka nongpang ha kane ka kad liengsuin,” ong ka Katrina ha ka jingbym poi pyrkhat ka la hap ban leit phai noh sha iing.