Na ki ‘thei ka Bollywood heh spah eh ka Preity

** Riewspah tam ka Preity Zinta ha Bollywood? Mano pat. Ka paw kumta na ka team ha ka kriket IPL ha Punjab, ym lah ia kot bad ka. Ka Preity ka ieng marwei ban pynlut spah ia ka team kaba la kot sha ka T.350 klur haduh T. 400 klur.
Ki stad pyniaid ia ka jingialehkai kriket ki ong ka la pynlut tam ar shah nalor kitei. Namarkata, kane ka aktres kan sa shimti ruh kum ka nongioh kynti ia ka kompeni Shandar Amrohi bad ban long artat kawei na ki trai jong ka Kamalistan Studios (ia kaba ki trai ba nyngkong eh dei ka aktres Meena Kumari bad u Kamal Amrohi).
Kane ka iingdulan ka shongdor da ki bun spah klur. Ha kat kane ka jingdoh spah, ka Preity bad ka kynhun jong ka kim ju shong thait bad pynhiar mynsiem namar ki jingbun kam palat.