Ki jingjia ka taiew Trei kam ka Bos wad jingpang bampong

** Ha ka sien kaba nyngkong eh ha ka ri India, ka Meghalaya ka la sdang ban pyntrei kam naduh ka 19 tarik mynta u bnai ia ka bos kaban wad ia ki jingpang bampong ba la tip kum ka jingpang Cancer, kaba la sdang ban kynrei bha ha kane ka jylla. Ia kane ka projek la tip kum ka Mobile Cancer Detectio Bus, bad la plie da u Parliamentary Secretary u Bah Pynshngain Syiem dang shen ha Civil Hospital, Shillong. Ia kane, la wanrah da ka Roko Cancer Trust na ri Bilat na London. U Commissioner bad Secretary ka tnad ka koit ka khiah ka jylla u Bah Donald P Wahlang IAS u la ong ba kane ka projek kam dei tang banw ad ia ki jingpang thung ne Breast Cancer, hynrei kynthup ruh ia ki jingpang Oral bad Cervix Cancer kiba long ki jait jingpang kiba la kynrei bha ha ka jylla. Iamynta ym donkam siew ei ei. Naduh u Naitung, kane ka bos kan leit ban treikam sa ha Tura, West Garo Hills.