Pyndonkam ktien Khasi ha ki ophis

Khubor Dongmusa
SHILLONG : “Ka long kaba pynlyngngoh shibun eh ba ki don katto katne na ri Bilat kiba kren, sngewthuh bad ki kpa ki dak Khasi katba ki Khasi pat ha la ka jong ka ri ki pyndonkam da ka Phareng ia baroh ki jingthoh jingtar bad ka sorkar,”ong u Dr. Donkupar Roy uba long u Chairman ka State Plan-ning Board ha kaba kren ban pyndon burom ia u Rev. Thomas Jones, u kpa ki ktien Khasi ha kaba plie ia ka jing ialang ki nongthoh kot, ka Khasi Author Society dang shen ha Synod College, Shillong.
U Dr. Donkupar ha ka jingkren jong u u la ong ba ka ktien Khasi ka dei kawei na ki ktien sorkar bad u la kyntu ia ki paidbah ba kin pyndonkam hok ia kane ka ktien ha baroh ki kam ophis. “Katto katne na ki ophisar ka sorkar jylla kin shem jingeh ban sngewthuh ia ki jingthoh, hynrei ki don shibun ki briew kiba lah ban pynkylla Khasi bad ban pynsngewthuh ia kino kino ki jingthoh ba la phah sha ka sorkar ha ka ktien Khasi khlem don jingeh ei ei ruh,” u la ong. Kan shong ha ngi mynta la ngin pyndonkam ne niew bein ia ka ktien Khasi