La 5 sien kum u CM khlem lah pynkut

Khubor Dongmusa
SHILLONG : U Dr.D.D. Lapang u lah ban dei u politishan uba la ih hynrei um ju lah pynkut pura ia ka por ha ka kyrdan kum u Myntri Rangbah (CM) ka Meghalaya.U la shong ha kane ka shuki CM la 5 sien lynter, hynrei u khlem lah ban pyndep haduh kiba kut jong ka san snem tang na kawei ka daw ne na kiwei pat. Nyngkong eh, u la long CM naduh ka 5 tarik u Rymphang 1992 bad tang haduh ka 19 tarik u Rymphang 1993 (kata kumba shi snem pura). Ha ka sien kaba ar kum u CM u la shimti ha u Lber 2003 bad neh haduh ka 15 tarik u Jylliew 2006. Kaba lai, u la long CM naduh ka 10 tarik u Lber 2007 bad kut noh ha ka 19 -3-2008 (kata ruh tang shi snem). Kaba saw, u la long CM ha ka 13 tarik u Lber 2009 bad kut noh ha ka 19-4-2010. Kaba kham phylla, la pynsmai Myntri Rangbah ia u hadien ka ilekshon Assembly 2009, hynrei ha kane ka por u la neh tang 10 sngi. U Dr. Mukul Sangma, uba la smai Myntri Rangbah ha ka 20 tarik mynta u bnai u khlem kren shai hangno un ai jaka ha ka sorkar jong u ia une u heh politishan. U la shu ong ba u dei “kum u kpa” uban ialam ia ka sorkar.